Anacos
Un lugar onde nacen ideas, proxectos e emocións.
¿Qué é Anacos?
Anacos é unha forma de entender a educación, a cultura e o social.
En Anacos conviven persoas de todas as idades, dende crianzas que veñen a reforzo escolar ata persoas adultas que participan en actividades de memoria ou ximnasia suave.
Anacos é a casa da nosa Escola de Tempo Libre, onde medran futuras monitoras e monitores de tempo libre, de comedor escolar, de animación, etc. Unha formación con alma, con metodoloxía participativa e con perspectiva de xénero, onde cada actividade leva un anaquiño da nosa cultura galega e dos valores que nos representan.
Anacos tamén é ese lugar onde se cocen novos proxectos. Aquí nacen propostas para concellos, centros educativos, CIMs, AMPAs ou asociacións: proxectos que unen o social, o educativo e o cultural.
Traballamos moitas áreas, pero hai fíos que sempre nos acompañan, como a cultura galega, a igualdade ou o tempo libre como ferramenta educativa. De aí xorden campamentos, programas de conciliación, actividades escolares, madrugas e moitas máis experiencias que fan medrar ás persoas dende o xogo e o respecto.
Tamén acompañamos aos centros educativos con formacións para o profesorado, as familias e o alumnado, reflexionando sobre a igualdade, a convivencia, o coidado emocional e moito máis.
